LAOAG CITY – Nagun-od ti Ilocos Norte ti lowest poverty incidence rate kadagupan kadagiti pamilia iti 0.3% ken kadagupan kadagiti populasion iti 0.5% iti provincial category iti intero a pagilian idi 2023.
Segun ken ni Gov. Matthew Marcos Manotoc, basar iti Philippine Statistics Authority (PSA), poverty incidence ket isu ti porsiento kadagiti tattao iti populasion nga agsusueldo ti ti nababbaba ngem iti minimum amount a kasapulan para iti inaldaw-aldaw a panagbiag.
Inbatadna a ti poverty threshold and income ti maysa kadagiti main factors ti Philippine Statistics Authority iti panangrukod ti incidence rates.
Inlawlawagna a ti income ket manipud kadagiti nagduduma a sources kas ti wages and salaries, entrepreneurial activities, cash receipts manipud iti abroad and domestic sources ken dadduma pay.
Mainaig iti daytoy, nangipatungpal ti employment and livelihood-opportunity projects and programs ti gobierno probinsial kas ti “Mataginaginayon a Progreso,” “Agri ka Dito,” “Naruay a Pangedan Job Fairs,” ken “IN na Kabuhayan Livelihood Program,” ken dadduma pay nga initiatibo ni Gov. Manotoc tapno matulungan dagiti umili kangrunaanna kadagiti marginalized sector a manglaban iti kinarigat ti panagbiag.
Kuna ni Gov. Manotoc a nagtalinaed a krisis ti “brain drain” banag a masapol a maalay-ayan daytoy ti gobierno probinsial.
Innayonna a kaadduan kadagiti kakailian a nagturpos iti kolehio ket agturong iti ballasiw-taaw rason a kalikagumna a mangipatungpal kadagiti programa ken proyekto a saanen a kasapulan pay a tumalaw dagiti Ilokano ditoy pagilian tapno agtrabaho.
