LAOAG CITY – Naimbitaran ti Ilocos Norte para iti pannakipagpaset na iti Travel Trade and Consumer Expo 2020 a maisayangkat iti Pasadena Convention Center idiay California.
Gagem daytoy a maikkan ti gundaway ti Pilipinas ken Estados Unidos a malukatan ken makapagbinnuray dagiti dua a pagilyan seknan ti panagnegosyo.
Sumagmamano kadagiti mabalin nga ibunga na ket ti business opportunities, business to government networking ken business to consumer selling.
Babaen iti daytoy, mapalawa ti market dagiti Travel Agencies ken ad-adda pay a mapagbalin a nalatak dagiti produkto ti Pilipinas idiay Estados Unidos ken uray dagiti Tourism Services ken dadduma pay.
Daytoy ti maysa kadagiti inpadanon ni Hawaii House of Representative John Mizuno apaman a bimmisita ditoy probinsya ken maysa kadagiti mangbukbukel ti Philippine Chamber of Commerce and Industry idiay Honolulu, Hawaii a nagcourtesy call ken ni Acting Governor Cecilia Araneta Marcos.
Mapadayawan ti Gobierno Probinsial babaen ken ni Acting Governor Marcos iti nasao nga imbitasyon gapu ta dakkel a banag daytoy kadagiti kaprobinsyaan.
Nupay kasta, naamoan a masapol a maadal no siasino kadagiti rumbeng a makipagpaset kadaytoy nga aktibidad tapno mangted ti Assistance ti probinsya.
