LAOAG CITY – Dua a baro a kaso ti covid-19 ti nairekord ditoy probinsya.
Basar iti inparuk-at nga statement ti gobierno probinsyal, ni IN-C135 ket maysa a babai nga agtawen ti 20 ken residente iti Brgy.5 ditoy siudad ti Laoag idinto a ni IN-C136 ket lalaki nga agtawen ti 34, APOR ken residente iti Brgy. Baligat iti siudad ti Batac.
Mainaig iti daytoy, ni IN-C135 ket asymptomatic nga addaan travel history iti Metro Manila idinto nga symptomatic ni IN-C136 ken naggapo idiay Jolo, Sulu.
Iti agdama ket saan pay a masinunuo nu nakaalan dagiti pasyente ti virus ngem naka-isolate ni IN-C135 idinto nga adda iti ospital ni IN-C136.
