LAOAG CITY – Napili ti Ilocos Norte a pakaiyuswatan ti tallo nga aldaw nga International Simulation ASEAN meeting.
Daytoy ti inbatad ni Mr. Willie Jake Sib-at, ti mangidadaulo iti Ilocos Norte Youth Development Office (INYDO) iti gobierno probinsyal.
Kuna na a ti nasao a taripnong ket naorganisar babaen ti Ilocos Norte Model Asean Meeting Organization.
Inlawlawag na a daytoy ket maysa a non-government organization dagiti agtutubo ditoy probinsya.
Innayon na a ti kangrunaan a gagem ti aktibidad ket tapno maiyam-ammo kadagiti agtutubo nga Ilukano dagiti kangrunaan nga isyu ken dagiti rumbeng nga aramiden para iti pannakapasayaat dagiti agtutubo.
