LAOAG CITY – Binigbig ti City Government of Laoag ti Ilocos Norte National High School Youth Choir apaman a nakisalip da iti kaleplepas a National Music Competition For Young Artist.
Ti nasao nga aktibidad ket naiwayat idiay Metropolitan Theatre Manila no sadinno a nagun-odda ti maikapat a pwesto kadagupan ti 10 a finalist.
Kinanta ti nasao a grupo ti tallo a pyesa pakairamanan ti kanta ni AJ Consolacion, ti “dies irae” by Michael John Trotta ken “Dawn dusk” by Ken Steven.
Mainaig iti daytoy, inpaayan ti gobierno lokal ti tunggal maysa iti 1,500 a pisos kas sukat ti bayad ti uniporme da kabayatan ti isasalip da iti nasao a kompitisyon.
Kabayatanna, binayabayan met isuda ti coach da a ni Sherween Cabrales.
