LAOAG CITY – Nawaya ti probinsya nga Ilocos Norte manipud iti pangta dagiti rebelde a grupo.
Daytoy ti inpasingked ni Police Senior Inspector Alexis Aberion, baro a company commander ti Regional Mobile Force Batallion iti 101st Manuever Company a nakabase idiay ili ti Banna.
Nupay kasta, kuna ni Aberion nga aramiden da amin a kabaelan da tapno agtalinaed latta a nawaya ti probinysa manipud kadagiti terorista.
Inpasigurado na nga awan ti nasken a pagdanagan ti publiko gapo ta agtalinaed da nga alerto.
Kabayatanna, inbatad ni Aberion mangrugrugin ti panagsagana da para iti masungad nga eleksyon intono 2019.
Inbatad na nga iti agdama ket manarimaan ti monitoring da no sadinno a lugar ditoy probinsya ti tutukan na kabayatan ti eleksyon.
