LAOAG CITY – Inbinsa-binsa ni Police Major Jephre Taccad, ti pannakangiwat ti Ilocos Norte Police Provincial Office dagiti banbanag a saan a rumbeng nga itugot iti panagbisita kadagiti kamposato.
Karaman kadagiti maiparit nga itugot kadagiti kamposanto ket ti anyaman a klase ti natarid a banag wenno deadly weapon, arak, speaker wenno sound system ken dadduma pay.
Segun kenni Taccad, iti papan met panagdalos ti publiko iti tanem dagiti ipatpateg da a pimmusayen ket mabalin met nga agitugot kadagiti cleaning materials ngem iti Nobyembre uno ken dos ket saanen a mabalin dagitoy.
Innayon na a naiget met ti panagbantay da ken ti ipaay da a seguridad kabayatan ti papan dagiti tattao iti kamposanto tapno masigurado nga awan ti madi a mapasamak.
