LAOAG CITY – Inpakaammo ni Mr. Aleem Yassin Ampuan Abidin iti Ilocos Norte United Muslim Association dagiti nagduduma a tradision da kagiddan iti panangrugi iti Ramadan intono bigat, Pebrero 19.
Inbatad na nga iti panangrugi iti Ramadan ket masapol iti panagsagana da iti makunkuna a “Niyyah” wenno iti napintas nga intension iti tunggal maysa.
Malaksid iti daytoy, maisayangkat pay ti fasting ken aggigiddan a panagkararag dagiti Muslim para iti panangobserbar ti Ramadan.
Kunana a saanda a mabalin a mangan manipud parbangon agingga a saan pay a limnek ti init.
Inlawlawagna nga iti panagkakarag ket saan laeng nga iti bulan iti ramadan no diket ket mangiwaywayat dagitoy iti panagkararag iti mamin-lima a daras iti maysa nga aldaw.
Mainaig iti daytoy, kunana a kas maysa a muslim ket napateg ti panagaramid iti napipintas a banag kas iti panagpipinakawan, panagiburay kadagiti taraon ken dadduma pay, idinto a dagiti kasapolan a liklikan ket panagpipinadakes, panagsugal ken dadduma pay nga agkakadakes nga aramid.
Pormal a mangrugi intono bigat ti pannakaselebrar ti Ramadan nga agpaot iti uneg ti 30 nga aldaw.
