LAOAG CITY – Nakasaganan ti Ilocos Norte Youth Development Office (INYDO) a mangidiaya kadagiti nagduduma nga aktibidad para kadagiti agtutubo ditoy probinsya.
Inpakaammo ni Mr. Willie Jake Sib-at, Ilocos Norte Youth Developmrnt Officer nga iti masungad a bulan ti Agosto ket adda ti maisayangkat a “Linggo ng Kabataan Sirib.”
Inbatadna a babaen iti pannagkikimmayet ti Ilocos Norte Youth Development Office kadagiti nagduduma a Sangguniang Kabataan iti nagduduma nga ili ditoy probinsia nga idadaulwan ni Sangguniang Kabataan Federated President Eldtritz Viernes ket naruay dagiti nakalinya nga aktibidad.
Kunana nga mangrugi inton Agosto 11 ket adda dagiti maisayangkat a panagigidan a panagmula iti kaykayo kangrunaanna kadagiti Native Trees iti nagduduma a baranggay, karaman pay dagiti Cultural events, infograhics Video Contest, Hip-Hop Dance Competion, Battle of the bands, Photography Contest dagiti Outreach Program Blood Bank Donation Drive, Kits4Kids, Youth Dports Tournament, Ilocos Norte Youth Convention.
Kunana nga adadda a daddakel dagiti premyo a kompitisyon tapno pangnayon a tulong iti allowance dagiti estudyante.
