LAOAG CITY – Manamnama ti pannakaisayangkat manen ti Ilocos Norte Youth Games iti daytoy summer season.
Daytoy ti inpakaammo ni Senior Board member Matthew Marcos Manotoc.
Inbatad na nga iti daytoy pannakaiyuswat ti youth games ita a tawen ket masapol nga amin nga ili ditoy probinsya ket adda ti ibaon da a mangibagi kadakuada.
Innayon na nga itay a napan a tawen ket 10 dagiti regular nga event a naglalabanan dagiti maseknan.
Karaman ditoy ti basketball, volleyball, baseball, table tennis, sepak takraw, swimming ken dadduma pay.
