LAOAG CITY – Nakaawat ti nagduduma a pammadayaw ni Chef Maria Aninag iti kinalaing ken kinaimas dagiti ididiayana a klase ti taraon kadagiti kustomer.
Segun kenkuana, nagadal isuna iti kurso nga adda ti pakainaiganna iti culinary arts gapu ta mahilig daytoy nga agluto.
Inbatadna nga inusarna ti inadalna ditoy pagilian iti ballasiw taaw no sadinno a nangrugi daytoy a nagbalin a barista agingga a ngimmato ti akemna iti pagtrabahoanna.
Kunana a saan a marukod ti panagballigi ti maysa a tao iti kinangato ti posision no di ket para kenkuana maramananna ti kinasam-it ti balligina babaen iti panagbalin a naragsak, kuntento ken panangiburay dagiti maaw-awatna a blessings.
Kabayatanna, inbutaktakna a saan a maliklikan nga adda dagiti tattao iti aglawlaw nga arig “crab mentality” ngem nagbalinna daytoy nga inspirasion tapno mapaneknekan nga awan ti makalapped iti maysa a tao a napnoan ti arapaap.
