LAOAG CITY – Agtultuloy ti imbestigasyon dagiti otoridad iti ili ti Solsona iti napasamak a pammaltog iti Barangay Capurictan iti nasao nga ili.
Iti inisyal nga impormasyon, mapan kuma kitaen ni Dati a barangay Chairman James Rakisa iti nasao a barangay dagiti taraken na ngem napasungadan na dagiti dua a lallaki a nakamotorsiklo.
Inbatad ti PNP a nakita ni Rakisa a pinaturungan isuna ti paltog sakbay a nagpalto-paltog dagitoy ngem gapo ta dagus a nalemmeng ket saan a natamaan ti dati a kapitan.
Narekobre iti nakapasamakan ti insidente ti tallo nga slug ti bala.
Iti agdama, naiget ti imbestigasyon dagiti otoridad tapno maamoan ti motibo iti pammaltog ken saan met pay a kumpirmado no adda ti pakainaigan na iti eleksyon ti insidente.
