LAOAG CITY – Inpasingked ni Supreme Court Chief Justice Diosdado Peralta nga immaliston iti pannakasolbar dagiti criminal case ditoy pagilyan.
Inpetteng na a ti criminal case ket masapul a malpas iti uneg ti 10 a bulan manipod iti arraignment ti kaso.
Nagballaag ti Chief Justice nga ireport iti siasinoman a saan a sumursurot iti guidelines ti continuous trial wenno iti pannakaitantan ti kaso.
Kuna na a no agbayag ti kaso iti lima agingga iti 10 a tawen ket ibaga da laneg iti opisina no sioasinno ti Huwes ken no ania ti rason a mabayag ti pannakaadal na.
Innayon na a masapul a sumurot dagiti judges iti pagalagadan tapno mapaalisto iti pannakasolbar dagiti kaso.
