LAOAG CITY – Manamnama a sanguen ni Mayor Alfredo Valdez iti ili ti San Nicolas ti immediate preventive suspension gapu iti sangsanguen na a kaso administratibo.
Daytoy ket kalpasan nga inrekomendar ti Sangguniang Panlalawigan ti immediate preventive suspension ti mayor nga agpaot iti 60 nga aldaw.
Segun kenni Sangguniang Panlalawigan Member DaVinci Crisostomo, nadeny ti naipila a motion to dismiss nga inpila ti partido ti mayor ken napaboran ti nasao a preventive suspension.
Saan pay a napagsasaritaan seknan iti naipalaon iti mosyon gapu ta natratar pay laeng seknan iti suspension ti mayor.
Naamuan a nagkiddaw dagiti nagreklamo a mangipila da ti sungbat da iti mosyon for reconsideration iti uneg ti lima nga aldaw ken intono Lunes ket ditoy a desisyonan ti Sangguniang Panlalawigan.
Namunganay ti reklamo kontra kenni Valdez seknan iti galyera iti ili ti San Nicolas no sadino nagsobra ti operasyon imbes a maminsan laeng iti maysa a lawas.
