LAOAG CITY – Inbatad ni Atty. Domingo Egon Cayosa, dati a Presidente ti Integrated Bar in the Philippines, a kabaelan dagiti amin nga agpili no umanamong wenno saan iti panang-convict ken ni Vice President Sara Duterte, a pakairamanan dagiti Senator-Judges.
Nupay kasta, inpettengna a ti obligasion ti tunggal umili ket masapul a kitaenda no ania ti nainkalintegan kas ti damag no maibilang ti botos dagiti awan iti impeachment court, panangammoda ti kinapudno no saan da nakatugaw iti korte, wenno no umno a ti aglemlemmeng iti linteg ket maipaayan ti pribilehio nga agdesision iti panangusig.
Kunana a rumbeng nga agbalin a nasirib dagiti umili ken saan a mamati kadagiti arugumento nga awan pangibasaranna wenno ‘out of context.’
Inpaganetgetna a masapul a simple laeng ti panangusig ken panagdesision ken liklikan ti panangay-ayam gapu ta inpaayan ti otoridad, ti responsibilidad ken bileg dagiti Senador.
Kabayatanna, inpettengna nga rumbeng nga awan boses dagiti mabalin a ma-impeach iti rules of impeachment.
