LAOAG CITY – Kumpiansa ni Manila Rep. Bienvenido “Benny” Abante, Jr. a maminsan manen a makaala ti 1/3 votes dagiti kongresista ti impeachment complaint kontra ken ni Vice President Sara Duterte tapno insigida a maipatulod iti Senado nga isu ti tumaktakder nga Impeachment Court.
Segun ken ni Abante, maysa kadagiti endorser ti maikapat nga impeachment kontra ken ni Vice President Sara, 311 ti pakabuklan a bilang dagiti kongresista ita a 20th congress ken 105 laeng ti butos ti kasapulan tapno insigida a maipatulod ti reklamo iti Senado.
Inbatadna a 215 a kongresista ti simmuporta iti impeachment complaint kontra ken ni Vice President Sara iti napalabas a tawen isut gapuna a sigurado nga agbalin nga alisto a maallukoy ti 105 kadakuada tapno ilungalong manen a ma-impeach ti Bise Presidente.
Inlawlawag ni Abante, no bilang magun-od ti nasao a bilang ket saanen a dumalan pay iti Committee on Justice ti reklamo ken nasken nga insigida a matratar ti impechment trial ni Vice President Sara.
