LAOAG CITY – Saan a napagsasaritaan ti impeachment complaints kontra ken ni Vice President Sara Duterte kabayatan ti pannakitaripnong ni President Ferdinand “Bongbong” Marcos Jr. kadagiti kameng ti kamara de representantes iti malakanyang.
Daytoy ti inpasingked ni House good government and public accountability chairperson Joel Chua.
Inlawlawag ni Chua a nagturong laeng dagiti agpanpanday linteg iti malakanyang tapno ited iti presidente dagiti ipasa da a resolusyon ken idanun metten ti naan-anay a suporta da ken ni Marcos.
Innayon ni Chua a kalpasan ti panagbitla ni Presidente Marcos ket naaddaan laeng ti picture taking ken dinner. Kabayatanna, umabot iti 200 nga agpanpanday linteg ti napan iti malakanyang.
