LAOAG CITY – Nagisyu ti Senate impeachment court ti show cause order ken ni House prosecutor Terry Ridon ken private prosecutor Benjamin Tolosa, Jr., tapno ilawlawag ti rakurakda a posible a nanglabsing iti sub judice rule.
Ti sub judice rule ket nakapalaon iti Article 18 a pagalagadan ti Impeachment no sadinno a dagiti presiding officer ken miembro ti Senado ket maipawil a mangipaay ti aniaman a komento iti publiko mainaig ti aniaman a merito iti agdama a panangusig.
Inbatad met ni Ridon nga responsibilidad ti prosekutor a mangilawlawag ti Impeachment process iti publiko iti babaen ti pagannurotan nga inpatungpal ti Impeachment court.
