LAOAG CITY – Rugianen ti House Committee on Justice ti deliberasion wenno panang-review iti dua nga impeachment complaint kontra ken ni Presidente Ferdinand Marcos Jr. inton Pebrero 2 agingga iti 4.
Inbatad ni Committee Chairperson Rep. Gerville Luistro a sakbay a naan-anay a rugian ti proseso sakbay ti Justice Committee ket kasapulan a ma-consolidate gapu ta ti dua a reklamo ket saan a mabalin a denggen ti Justice Committee.
Kunana a mangipasimudaag laeng daytoy a matratar a patas ti dua nga impeachment complaint a mapagmaymaysa.
Inlawlawagna a kitaen ti panel-na no adda ti ‘sufficiency in form and substance’ sakbay a mangirekomendarda ti pannusa wenno tignay no guilty wenno awan ti pangibasaran ti impeachment kontra ken ni Presidente Marcos.
Manamnama a kalpasan ti 60 nga aldaw ti sesyon ti Kamara de Representantes ket maisubmitiren ti rekomendasion ti Justice panel.
