LAOAG CITY – Desperado ken nalawag nga adda ti maris pulitika na ti pannakaipursige ti impeachment complaint kontra ken ni Vice President Sara Duterte.
Daytoy ti inpetteng ti kabsat ti bise presidente a ni Davao Rep Paolo Duterte.
Inpaganetget ni Congressman Duterte nga arigna tagtagibassiten ti administrasyon ti demokrasya ken kayatna nga agulimek ti oposisyon iti babaen ti panagaramid da kadagiti akusasyon.
Inpalgak na pay a ti saan a naannad a panagabuso iti turay ket saan to pulos nga agngudo a pabor kadakuada wenno ti administrasyon.
Immuna iti daytoy, adda ti pakabuklan a 215 a kongresista ti nagbotos pabor iti pannaka-impeach ni Vice Pres Duterte.
