LAOAG CITY – Inbatad ti clerk ti Impeachment Court a silulukat ti senado para kadagiti Pilipino a mangayat a mangbuya ti impeachment trial ken ni Vice President Sara Duterte, a mangrugi intono Hulyo 6 ita a tawen.
Segun ken ni Senate Secretary Renato Bantug Jr., adda dagiti tugaw a mailatang a pagyanan ti publiko.
Inlawlawag na a mabalin ti walk-in ngem masapol nga agrehistro iti Visitor Management ti Senado idinto a ti reservation ket mabalin nga aramiden iti online.
Nupay kasta, kunana a ti main plenary hall ti senado ket limitado laeng ti mabalin nga agtugaw, gapu ta 340 iti gallery ken 30 iti VIP box.
Ti highly-anticipated trial ket namnamaen a maipublikar pay iti nagduduma a Television ken online streaming platforms.
