LAOAG CITY – Agtultuloy ti impeachment trial ni Vice President Sara Duterte uray no adda ti petision iti Korte Suprema (SC) nga ipasardeng ti panangusig bayat nga adda pay ti isiyu ni Senate President Francis “Chiz” Escudero kas presiding officer.
Segun ken ni impeachment trial spokesperson Atty. Reginald Tongol, awan ti naiparuk-at a temporary restraining order (TRO) wenno status quo ante order ti Supreme Court (SC) isu nga agtuloy ti panangusig.
Inbatadna pay a Tongol, a numan pay adda ti maiparuk-at a kastoy a bilin, ti sibubukel nga impeachment court ti agbutos no kasanoda a sangoen daytoy.
Inlawlawagna pay a daytoy ket gapu ta collegial body ti impeachment court, no sadinno a saan laeng a maymaysa nga indibidual a mabalin nga agdesision para iti daytoy.
