LAOAG CITY – Ad-adda pay a pinaigetan ti Philippine National Police (PNP) ti pannakaimplementar ti Anti-truancy ordinance idiay ciudad ti Batac.
Daytoy ti inbatad ni Police Lt. Col. Michael Rey Tuscano, OIC Chief of police idiay ciudad ti Batac.
Ti nasao nga ordinansa ket ti pannakaipawil kadagiti estudyante a mapan iti computer shop nga awan ti pammalubos dagiti mangisursuro iti pageskwelaan da.
Mapalubusan laeng a mapan iti maysa a computer shop no adda ti ipakita da a surat dagiti mangisursuro kadakuada tapno mapan da agresearch iti project wenno assignment da.
Inbatad ni Tuscano nga inaldaw da a mapan agsursur kadagiti computers shops tapno masigurado nga awan dagiti manglabsing iti nasao nga ordinansa.
