LAOAG CITY – Nangrugin ti straight and full implementation ti Helmet Law of 2009 idiay ciudad ti Batac.
Daytoy ti kinumpirmaran ni Police Captain Johnwen Balueta, ti chief of police ti PNP-Batac.
Segun kenni Balueta, dagiti walo a madutukan a mang-ticket kadagiti aglabsing a motorista ket awan pay ti ID da rason a saan da pay nga otorisado a mangited ti ticket.
Nupay kasta, nakikoordenar ti PNP-Batac iti LTO tapno isuda ti mang-ticket kadagiti motorista a saan a nakasuot ti helmet.
Maipalagip a nagkiddaw ni Sang. Panlungsod Member Bismarck Angelo Quidang a maiyalud-od iti makabulan ti pannakaimplementar ti linteg manipud iti orihinal nga ummuna a lawas ti Setyembre tapno mapakaammoan pay dagiti tattao mainaig iti daytoy.
Naamoan a ti laeng inaprubaran ti PNP ken konseho iti nadakamat a ciudad ket agpatingga ita nga aldaw, Setyembre 23 rason a nairugin ti implementasyon na.
