LAOAG CITY – Narugyanen ti panagplano para iti pannaakipatungpal ti Uncestral Domain on Indigenous Investment Plan for Health para kadagiti indigenous people ditoy Ilocos Norte.
Daytoy ti imbatad ni Bgy. Chairman Ancheto Pugiao iti Bgy. Cacapean iti ili a Marcos.
Segun ken ni Pugiao, ti Barangay da ti napili ti National Community on Indiginous People (NCIP) a pilot project ti nasao a programa gapu ta posible a gapu iti kinaselsel na.
Kuna na a manarimaan ti panagukkon dan kadagiti “data” mainaig no ania dagiti problema pakaseknan ti salun-at.
Kuna na pay nga idi kalman ket adda naisayangkat a konsultasyon babaen ti LGU ti Marcos babaen ken ni Municipal Health Officer Dr. Cesar Carullo.
Inlawlawag na nga aniantoman dagiti makita a problema ken mailungalong ti grupo para iti nasao a programa ket maidatag da iti nasao nga ahensiya para iti pannakabirok ti pundo.
Innayon ni Pugiao a maibilang kadagiti nakita da a pakpakauna a kasapulan da ket ambulansiya, agas ken kasapulan iti nabiit pay a naipatakder a Rural Health Center ti barangay da.
