LAOAG CITY – Kaadda iti impluwensya ti nasanger ti maysa kadagiti makagapu ti aksidente iti kalsada.
Daytoy ti inbatad ni Police Lt. Col. Amador Quiocho, hepe ti PNP Laoag.
Kuna na a maysa pay ti makagapu iti aksidente ket kinaawan ti umiso a lisensya nga agmaneho.
Iti baet ti nangato a bilang ti aksidente, kalikagum ni Quiocho a mapaigetan ti Integrated Checkpoint Anti-Criminality (ICAC).
Inbatad na nga agturturong dagiti kameng ti nailian a pulisya kadagiti barangay mainaig ti nasao nga addang tapno makissayan dagiti aksidente ditoy siudad.
