LAOAG CITY – Kinumpirmaran ni P/Lt. Rodel Baradi Deputy Chief of Police ti PNP Pagudpud a natiliw ti maysa a driver ti Improvised Truck/Coaster Bus a nagkarga ti 15 bags a semento ken 4 cubic meters a darat iti Brgy. Pancian iti nasao nga ili.
Indauloan dagiti kameng ti DENR-CENRO Bangui babaen kenni Forest Technician Mark Ruel Juan y Garvida iti Integrated Checkpoint on Anti-Criminality.
Nabigbig daytoy a ni Clarence Agupa, 47, naasawaan ken residente iti nasao a barangay.
Segun kenni Baradi, agar-aramid ti hollow blocks ni Agupa ken agba-buy and sell ti semento.
Kunana nga ilegal dagiti kinarga na a darat agsipod ta awan ti permit iti lugar a nagalaan na ti darat.
Naamoan a datin a naglabsing ni Agupa iti kaso nga R.A. 7942 wenno ti Batasang Pambansa 265.
Natiliw ni Agupa kalpasan a napaay a mangipakita ti umno a permit
Iti agdama, nagtalinaed iti kustodyar ti RMFB 1, Brgy Pancian iti nasao a truck.