LAOAG CITY – Umabot iti 26 a close contact ni IN-C100, lalaki, agtawen ti 39, kameng ti PNP, ken taga Brgy. Estancia iti ili ti Piddig.
Daytoy ti kinumpirmaran ni Police Captain Kristoffer King Ramos, hepe ti PNP Piddig.
Kuna na a manipud iti nasao a bilang, pito dagiti nakapulapol ni IN-C100 iti nasao a barangay, lima iti Brgy. Anao, maysa iti Brgy. Abucay ken dua iti Brgy. Valenciano iti ili ti Banna idinto a pito pay a kameng ti PNP ti nakapulapol na.
Inbatad ni Ramos a nakassign dagiti pito a kameng ti PNP a close contact iti nagduduma a police station ditoy probinsya.
Awan pay ti masinunuo nga exposure ni IN-C100.
Agtultuloy pay laeng ti contact tracing kadagiti possible nga exposure ni IN-C100 ken naamuan a napositibo daytoy babaen ti mandatory a pannakaipadalan dagiti 970 a pulis ken non-uniformed personnel iti swab test.
Maipalagip nga adda ti maysa a police woman iti INPPO a dimmalan iti swab test ngem saan pay a maamuan ti rason no apay a dimmalan daytoy sakbay ti mandatory ti pannakaipadalan da iti swab test.
Nupay kasta, negatibo ti swab test ti police woman a taga Brgy. Balacad ditoy siudad ti Laoag a maipagarup a kaopisinaan ni IN-C100 iti provincial command.
