LAOAG CITY – Kinumpirmaran ni Barangay Treasurer Apple Joy Oroceo iti Brgy. 50 Buttong ditoy siudad ti Laoag a maysa a nurse iti Mariano Marcos Memorial Hospital and Medical Center iti siudad ti Batac ni IN-C108, babai, agtawen ti 31, ken residente iti nasao a barangay.
Kuna na nga iyur-uray da ti pammilin iti lokal a gobyerno ditoy siudad seknan iti umiso nga aramiden da.
Nupay kasta, nakasentro ti imatang dagiti opisyal ti barangay iti lugar ni IN-108 iti agdama.
Inpasingked ni Oroceo a no agawid ti nurse iti pagtaengan da ket saanen a rumrumwar.
Innayon na a nakaisolate pay dagiti miembro ti pamilya ti pasyente.
