LAOAG CITY – Naladingit ti gobyerno probinsyal kalpasan a pimmusay ni IN-C129, ti maikadua a pimmusay ditoy probinsya.
Ni IN-C129, baket, agtawen ti 64, ken residente iti Brgy. San Pedro iti siudad ti Batac.
Nairekord daytoy idi Oktubre 27 ita a tawen kalpasan a nakumpirmaran a nagpositibo iti COVID-19 ken symptomatic.
Naggapu ti biktima iti probinsya ti Cavite ken saan nga ammo ti nakaalaan na ti virus.
Nupay kasta, nakairekord ti probinsya iti innem a recoveries manipud iti nasao a virus.
