LAOAG CITY – Inlawlawag ni Barangay Chairman Avelino Pasion iti Barangay 39, Pasiocan iti ili ti Bacarra a ti IN-C1357, agtawen ti 31 ken ti exposure na a ni IN-C1189 ket nagatendar iti maysa a pasken.
Segun kenni Pasion, posible a daytoy ti nakaalaan ti nasao a pasyente ti virus.
Inbatad na a sipud nagpositibo ni IN-C1357 ket nangrugin ti contact tracing ken umabot iti 13 ti nadeterminar a nakapulapol daytoy iti barangay da.
Kinumpirmaran pay ni Pasion a karaman kadagiti naka-isolate iti agdama a nakapulapol ni IN-C1357 ket dua a BHW ken maysa a tanod.
Manamnama met a dumalan dagitii na-contact trace iti swab test intono bigat.
Kabayatanna, kuna ni Pasion nga iti agdama ket napunnon dagiti Barangay Isolation Unit da.
