LAOAG CITY – Inalay-ayan ni Mayor Rene Gaspar iti ili ti Carasi ti panagamak dagiti kailyan na kalpasan nga adda ti nagpositibo ti covid-19 a residente iti Barangay Virbira iti nasao nga ili wenno ni IN-C2016.
Segun kenni Gaspar, residente ni IN-C206 iti nadakamat a barangay ngem iti agdama ket agnanaed ditoy ciudad ti Laoag.
Inlawlawag ti mayor nga ammo dagiti kailyan na a saanen nga agnanaed iti barangay Virbira ti nadakamat nga indibidual.
Kunana a ti laeng agnanaed iti nasao a barangay ket ti ama ni IN-C206.
Innayon na nga ibilang na pay laeng a natalged ti ili da no pakaseknan ti covid-19 pandemic.
