LAOAG CITY – Inbaga ni Brgy. Chairman Amar Laeño iti Brgy. 18 ditoy ciudad ti Laoag a nakigtot da idi naipakaammo kadakuada a ti maysa a kabarangayan da ket nagpositibo ti covid-19.
Segun ken ni Laeño a saan a naikoordinar kadakuada a ti kabarangayan da a ni IN-C2073 ket dimmalan ti swab test.
Inlawlawag na nga idi naipakaammo kenkuana a nagpositibo ni IN-C2073 ket nangibaon a dagus ti mapan mangkita iti daytoy.
Nupay kasta, kuna ti kapitan nga awan ni IN-C2073 ken ti pamilya na idi balay da ken naamoan da a napan da nagpipicnic.
Ni IN-C2073 ket agtawen ti 35, maysa nga aglaklako iti tiendaan ditoy ciudad ti Laoag.
