LAOAG CITY – Inlawlawag ni Mrs. Eden Martin, ti IN-C3, nga idi simmangpet iti Metro Manila manipud iti United Arab Emirates ket naipadalan da iti rapid test ken swab test ti Philippine Red Cross.
Kuna na a nagawid ditoy Ilocos Norte idi Mayo 29 kalpasan a naala na ti quarantine certificate na idi Mayo 28 manipud iti PRC.
Segun kenni Martin, adda dagiti naawat a negatibo a mensahe iti pamilya na idi naamuan a nagpositibo iti COVID-19 kalpasan a dimmalan iti swab test ditoy probinsya.
Kuna na a bayat met a nakaquarantine iti ili ti Vintar ket nasayaat iti pannakataming na ken awan a pulos dagiti narikna na a sintomas ti COVID-19.
Inbatad ni Martin a naawat na a nagpositibo ti COVID-19 ngem ti nagsakitan ti nakem na ket iti pannakaipablaak ti panagpositibo na ti COVID-19 iti social media a saan a naipakaammo nga immuna iti pamilya na.
Kabayatanna, nagyaman ni Martin iti namarsua gapu ti panagimbag na manipud iti COVID-19 kasta met iti LGU Vintar kangrunaan kenni Dr Marita Albano agraman dagiti nangikararag kenkuana.
Kuna na kadagiti nangdiscriminate kenkuana ken iti pamilya na ket iti namarsua ti makaammo kadakuada.
Inpetteng ni Martin a maysa isuna kadagiti saan a napalaloan iti COVID-19.
