LAOAG CITY – Kinumpirmaran ni Brgy. Chairman Roldan Mendoza iti Brgy. 35 – Pipias iti ili ti Bacarra a pimmusayen ti kabarangayanna a ni IN-C3161.
Segun ken ni Mendoza, naamoan a positibo iti virus ni IN-C3163 kalpasan a dimmalan iti testing bayat ti pannaka-admit na iti ospital idi Hunyo 17.
Kuna ti kapitan nga addan ti dati a sagsagabaen a sakit ti pasyente kas iti asthma ken highblood.
Innayun na a saan a makabael daytoy wenno bed ridden sipod naatake idi tawen 2018.
Kabayatanna, kuna ni Mendoza a dagus a nai-cremate ti bangkay ti pasyente.
Inpakaammo na pay nga awan met ti nagpositibo iti covid-19 kadagiti kapamilya ni IN-C3161.
Ni IN-C3161 ket agtawen ti 68 a baket ken maibilang a symptomatic idi nagpositibo iti virus.