LAOAG CITY – Kinumpirmaran ni Mayor Remigio Medrano iti ili ti Sarrat nga agassawa dagiti dua a nagpositibo iti covid-19 iti nasao nga ili.
Daytoy ket ni IN-C512, agtawen ti 26 a lalaki, maysa a butcher kenni IN-C513, agtawen ti 23 a babai ken agpada dagitoy a residente iti Brgy. 21 San Marcos iti ili ti Sarrat.
Mainaig iti daytoy, kuna na a 27 dagiti primary contact dagiti aggasawa nu sadino a dagitoy ket karruba ken kamapilya da metlaeng.
Inbatad na a manipod iti nasao a bilang ket 15 ti naderminar a primary contact ni IN-C512 idinto a 12 ken ni IN-C513.
Inpakaamo ni Mayor Medrano a dimmalanen iti swab testin dagiti 15 a primary contact dagiti nagpositibo idi kalman idinto nga ita nga aldaw ti idadalan dagiti nabatbati a 12.
Innayun ti Mayor a nagtalinaed iti municipal isolation facility dagiti agasawa.
