LAOAG CITY – Inpetteng ni Barangay Chairman Jerry Corpuz iti Barangay Navotas-A ditoy ciudad ti Laoag a ti laeng nakapulapol ni IN-C642 ket dagiti kapamilya na.
Ni IN-C642 ket maysa a lalaki nga agtawen ti 36, maysa nga APOR kas market vendor.
Segun kenni Corpuz, idi Disyembre 31 ket dimmalan iti swab test gapo iti na-exposed ken ni IN-C495 ken negatibo ti resulta na ngem iti maikapito nga aldaw a panag-quarantine na ket dimmalan manen iti RT-PCR Test ken ditoy a positibo ti resulta daytoy iti covid-19.
Nupay kasta, kunana nga apaman a naamoan da nga exposed daytoy iti IN-C495 ket dagus a nag-isolate babaen kadagiti opisyales ti barangay ken awanen ti nakapulapol ti maseknan.
Inbatad na a dagiti lima a kapamilya ni IN-C642 ket naka-home quarantine ken manamnama a dumalan dagitoy iti swab test.
