LAOAG CITY – Inbatad ni Barangay Chairman Michael Lardizabal iti Barangay 1, San Joaquin iti ili ti Sarrat nga idi naamoan da a nagpositibo ti covid-19 ti maysa a kabarangayan da ket napan da a dagus kinasarita dagiti nagannak ti pasyente.
Daytoy ket ni IN-C71, agtawen ti 29 a babai ken Locally Stranded Individual (LSI), naggapo idiay Cainta, Rizal.
Inlawlawag ti kapitan a basar iti nagannak ni IN-C71 ket saan da pay a napan nasarsarungkaran ti anak da.
Inpakaammo ni Lardizabal a ti pasyente ket naideretso iti quarantine facility iti ili ti Currimao manipud iti border control iti ili ti Badoc.
Kabayatanna, nagpanawagan ni Barangay Chairman Lardizabal a saan koma a kabutbuteng wenno babalawen ti pamilya ni IN-C71 ken awan ti rumbeng a pagdanagan dagiti kalugaran na gapu ta saan pay a nakaawid ti pasyente iti barangay da.
