LAOAG CITY – Kinumpirmaran ni Mayor Joseph de Lara iti ili ti Solsona a pimmusayen ni IN-C812 kalpasan a nakaptan ti covid-19.
Ni IN-C812 ket agtawen ti 38 a lalaki, residente iti Barangay Bubuos iti nasao nga ili ken na-expose kenni IN-C796.
Basar iti rakurak ni Mayor de Lara, ti pasyente ket agsagsagaba pay ti sabali a sakit kas iti asthma ken hypertension.
Inbatad na a manarimaanen ti pannakakoordinar da iti Health Unit iti nasao nga ili para iti pannakaitabon ti nadakamat a pasyente.
Kabayatanna, nagpanawagan ti mayor kadagiti kailyan nga agannad babaen iti panangsurot kadagiti health protocols kas iti panagisuot ti facemask ken face shield, obserbaren ti social distancing ken ugalyen ti agbuggo ti ima.
