LAOAG CITY – Kinumpirmaran ni Barangay Chairman Edgar Torio iti Barangay 20 ditoy ciudad ti Laoag a ni IN-C923 a nagpositibo iti covid-19 ket na-expose kenni Presidential Spokesperson Harry Roque.
Segun kenni Torio, ni IN-C923 ket empleado ti City Social Welfare and Developmet Office.
Inlawlawag na a ni IN-C923 ken ti katrabahoan na a ni IN-C922 a taga Barangay 26 ditoy ciudad ket karaman kadagiti simmabat kenni Roque iti Laoag International Aiport apaman a simmangpet ditoy probinsya.
Nupay kasta, kunana a ti laeng na-expose kenni IN-C923 ket ti asawa na ken dimmalanen iti RT-PCR Test ken maiyur-uray ti resulta.
Maipalagip a ni Roque ket bimmisita ditoy probinsya idi Marso 12 kadwa na ni Testing Czar Vince Dizon tapno personal nga imatangan ti vaccination program iti Laoag City General Hospital (LCGH).
