LAOAG CITY – Mapukpukaw ti maysa nga ina kadwa na ti agtawen ti maysa nga anak na sipud pay idi Hunyo 6 ita a tawen iti Barangay 19, San Lorenzo, San Nicolas, Ilocos Norte.
Nabigbig daytoy a ni Jessica Duyao y Acosta, agtawen iti 19 ken residente met laeng ti nasao a lugar.
Immuna ti daytoy, nagturong a mismo ditoy Bombo Radyo ti ina ti biktima tapno ipanawagan na ti mapukpukaw nga anak ken apoko na.
Segun ti ina na, nagpakada laeng idi ti anak na a mapan iti Robinsons mall iti ili a San Nicolas kadwa na ti agtawen ti nasurok a maysa nga anak na.
Nupay kasta, agpapan maisursuray daytoy a damag ket saan pay a nagsubli wenno nagtawag iti pamilya na ni Duyao.
