LAOAG CITY – Nakasagana a mangipila ti maysa nga ina ti kaso kontra iti asawa na kalpasan ti panangkabkabil ken dadduma pay a panangdangran.
Segun ti biktima a naillemeng iti nagan nga Odet, saan na a mapakawan ti asawa na gapo ta kanayun a kabkabilen ti asawa na ken mairam-raman pay ti anak da.
Basar ti reklamo ti ina iti piskalya, danog, tungpa ken dadduma pay a panangdangran ti sinagaba na manipud iti asawa na.
Malaksid iti daytoy, pinadungparan pay ti lalaki ti biktima babaen iti traysikel da.
Maipagarop a kanayun a madangdangarn daytoy no nakainom ti nasanger ti asawa na.
Kalikagom ni Odet a maikkan ti leksiyon ken agbaliw ti asawa na isut gapo na a nangipila ti kaso kriminal.
