LAOAG CITY – Napalaos ti ladingit ti pamilya ti maysa nga ina a nagpakamatay iti kaaldawan ti panagkasangay na idiay Piddig Ilocos Norte.
Nabigbig ti biktima a ni Antonia Salvador, residente ti Brgy. Lagandit, Piddig.
Selebraran kuma ti biktima ti panagkasangay na ngem nagbalin a naliday kalpasan ti panagpakamatay na.
Segun ti impormasyon a nakalap ti PNP Piddig manipud iti pamilya ni Salvador, maipagarop a saan a makaturturog ti biktima kalpasana rimuar iti ospital.
Naamoan nga immuli ni Salvador iti maysa a kayo, ingalot na ti tengnged na sakbay a limmagto.
Awan met ti nakita a foul play ti pannakatay ni Salvador.
