LAOAG CITY – Napukawen ti panagdandanag ni Mrs. Merlina Bartolome tubo ti Bgy Gayamat, iti ili ti Piddig ngem agdama ket agnanaed idiay
Nene Valley South Devon, Big Island kalpasan ti nasurok a makabulan a panagputok ti Kilauea Volcano.
Segun ken ni Bombo International Correspondent Manny Pascua, nairwamen ni Bartolome ti bagbagi na bayat ti agtultuloy a panagputok ti nasao a volcano.
Kuna nga idi nabit pay a nagputok ti volcano ket saan a naikkat ti nagdanag ken nalagip na dagiti mabati na ditoy Pilipinas.
Kayat na koma met ti agawid ngem awan ti pagplete na ken igawid ti ay-aywanan na nga apoko.
Inadmitir ni Bartlome a saaan da pulos a napanonot ti nagibakwit sipud ken agingga ita nga agtultuloy ti panagputok ti volcano gapu ta ibilang na a nataalged pay laeng dagitoy
Lineplepan metten ni Bartolome ti pnagdandanag dagiti kakabagian na gapu ta iti masungad a tawen 2019 ket agbakasyon ditoy Pilipinas.
Ni Bartolome ket dua a tawenanto pay laeng idiay Hawaii inton Setyembre 20.