LAOAG CITY – Naragsak ni Mrs. Eloisa Alcantara, Brgy. 34-B Gabu Norte kalpasan a natiliwen dagiti suspek a nangkabkabil iti anak na a poon ti nakatayan daytoy idi Oktubre 18, 2020.
Binigbig na dagiti natiliw a da Apolo Clemente, Roland Basillo, Roland Samoykenni Lawrence Cuaresma dagiti natiliw.
Saan pay nga ibilang ni Mrs. Alcantara a nagun-oden ti hustisya iti pannakatay ti anak na agingga a saan pay a nasentensyaan ngem naragsak gapu ta nakabalod dagiti suspek.
Linagip na ti napasamak iti kallabes no sadino a napabasol ti anak na a nangbotbot iti fish cage dagiti dua nga immuna a nakabalod ken daytoy ti poon ti pannakakabkabil ti anak na.
Inpakaammo ni Alcantara, nga immuna a sinapul dagiti dua a agkabsat ti anak na ken nagsasarita dagitoy iti kapitan.
Napasamak ti pannakakabkabil ti biktima idi nagpaburbor iti nagluganan na a tricycle iti rabii iti dayta a kanito.
Kuna ni Alcantara, a saanen a nakababa ti anak na ken pimmusay a nakadisso ti rupa na iti pagtulbekan iti tricycle.
Iti nagbalin a report ti Bombo Radyo idi Oktubre 2020, karaman da Ronald Jacinto kenni Severino Jacinto a nangkabkabil iti biktima, kalpasan a nakita ni Mrs. Alcantara.
Pinaneknekan pay ti maysa nga opisyal ti barangay nga innem dagiti nakita na a nangkabkabil iti baro.
