LAOAG CITY – Saanen nga interesado ti ina ti biktima ti desgrasya a nakatayan ni Dante Agoo y De Leon a taga Brgy 13 Naglicuan, iti ili ti Pasuquin kontra iti nakadungpar kenkuana.
Segun ti PNP-Pasuquin, nangipila ni Mrs. Shirley Agoo y De Leon, agtawen ti 45, mannalon ken residente iti nasao a lugar ti Affidavit of Disinterest iti nasao a kaso.
Nabigbig ti nakadungpar ti biktima a ni Frances Naomi Lagasca y Coloma, agtawen ti 27, single, awanan ti trabaho ken residente iti Brgy #12 San Nicolas, Ilocos Norte.
Maipalagip a bayat a dumaldalyasat ti biktima iti kalsada ker nadungpar ni Lagasca a nakalugan ti motorsiklo.
Naitaray ti biktima iti ospital ngem saanen a nakalasat gapo iti sinagaba na a sugat iti nagduduma a paset ti bagi na kangrunaan iti ulo na.
