LAOAG CITY – Inbatad ni Mrs. Raquel Alejo iti Barangay Nagsagpatan iti ili ti Dingras nga awan ti ammo na a rason ti nakapaltulgan a poon ti nakatayan ti anakna.
Napaltugan ti biktima a ni Sammy Alejo, agtawen ti 27, awanan ti asawa, construction worker ken residente iti Barangay Sagpatan iti ili ti Dingras, kabayatan ti panagdaldalyasat na a nakalugan ti motorsiklo iti boundary ti Barangay Bagut ken Barangay Mandaaloque iti nasao nga ili.
Segun iti ina nga Alejo, nakasoan ken nabalud ti anak na, adda ti sumagmamano a tawen ti napalabas kalpasan nga adda ti nangbully kenkuana a rason metten ti nangtagtagbatan na.
Nupay kasta, kuna na a nakapagsasarita da idin iti pamilya ti nagbalin a biktima ti anakna ken naurnus metten ti amin.
Malaksid iti daytoy, inbatad ni Mrs. Alejo nga awanen ti nakairamramanan ti anakna a reklamo wenno kaso isut gapuna a burburtiya kenkuana no ania ti rason ti nangpatayan da iti biktima.
Inpettengna a nasakit unay ti nakemna iti napasamak iti anakna isut gapuna nga immapela kadagiti nakakita iti napasamak a tumulong tapno al-alisto a masolbar ti kaso.
Iti agdama, agtultuloy ti imbestigasyon ti Philippine National Police tapno maamoan ti motibo ken ti kinatao ti suspek iti napasamak a pammaltog.
