LAOAG CITY – Desidido ti ina ti lalaki a menor de edad a maipagarop a nakabkabil iti Brgy. 5 ditoy ciudad ti Laoag a mangipila ti reklamo.
Segun iti ina ti menor de edad, nasken laeng a sumango ti maiyannatop a pannusa dagiti nangkabkabil iti anak na nangruna ket maipagarup a pinagkakaduaan da daytoy.
Inadmitir na a nasutil ti anak na no adda iti impluwensiya ti nasanger ngem saan a rumbeng a daytoy ti rason a dangran da ti anak na.
Kunana a nasakit nakem na gapo ta kabagian da pay dagiti maipagarup a nangkabkabil iti anak na.
Inlawlawag na a kalikagum na a maiyuli daytoy a reklamo tapno mapilaan ti kaso dagiti maitudtudo a maseknan tapno adda ti pagmenna-mennaan da.
Mainaig iti daytoy, basar iti Philippine National Police ditoy ciudad ti Laoag nga intono bigat iti oras ti alas nuebe a mapaayaban dagiti maitudtudu a maipagarup a nangkabkabil ti menor de edad tapno inlawlawag da no ania ti napasamak.
Maipalagip a nakabkabil ti nasao a menor de edad babaen iti maipagarup a tallo a lallaki iti saan pay a masinunuo a rason ngem rumrumuar a daytoy ket gapu iti kaadda da ti impluwensiya ti nasanger kadayta a gundaway.
