LAOAG CITY – Maragsakan ni Mrs. Macrita Peildad, 62, residente iti brgy 44 zamboanga ditoy ciudad ti laoag gapu ta makapasyaren ti anak na a ni Grace, 32, kalpasan a maysa daytoy a maipaayan ti wheelchair babaen ti Bombo Medico.
Segun ken ni Mrs Peildad, marigatan da a mangbagbagkat ti anak na gapu ti sitwasyon na a saan a makapagna ken saanen a dimmakkel pay.
Gapu ti daytoy, nagyaman ni Mrs. Peildad iti Bombo Radyo Philippines gapu ti programa na a Bombo Medico para kadagiti marigrigat.
Malaksid ti pannakaipaay ti wheelchair iti anak ni Mrs. Peildad ket agpacheckup payen daytoy tapno maamoan no ania ti sakit na gapu ta kanayun a maul-ulaw ken adda pay ti highblood na.
