LAOAG CITY – Inpasingked ti sumaruno a Canadian Prime Minister a ni Mark Carney a mangabak iti trade war kontra ken ni US President Donald Trump.
Inrakurak daytoy ni Carney kalpasan a nagballigi iti eleksyon ken isuna ti mangsukat ken ni Outgoing Canadian Prime Minister Justin Trudeau
Inpetteng na a saan a rumbeng nga agkamali dagiti amerikano iti trade, kas iti hockey gapu ta mangabak ti Canada.
Manamnama nga agsapata ni Carney kas Prime Minister iti Canada kadagiti sumarsaruno nga aldaw.
Inkari na pay a mangipatungpal ti retaliatory tariffs iti US goods agingga a saan nga ipakita ti Amerika ti respeto na iti Canada.
Naamoan a ti agtawen ti 59 a ni Carney ket nakagun-od ti
86% a botos nupay damo na laeng ti agkandidato iti nadakamat a pagilian.
Maipalagip a nag-resign ni Trudeau idi enero ita a tawen kalpasan ti siyam a tawen a panagtakem na kas Prime Minister iti Canada.
